comentar
publicado por Hercus Santos at 06:41 pm

 

 

 

Foho Aihahi ha’u-nia foho lulik husi uma Lisan Dato pai nian ho uma Lisan Liurai Manehi’ak (mãe nia pai) no Liurai Maneka’olik (mae nia inan nian). Uma lisan pai nia inan nian iha Reinu Manelima. Iha foho ne’e maka haketak ukun. Mãe ninia jerasaun ukun nu’udar Liurai (Liurai Manehi’ak no Liurai Mane Ka'olik).

 

Depois liutiha sékula balu uma Lisan Liurai Manehi'ak simu Rota ukun liurai nian iha Cruz ida iha tutun ho nune’e ninia jerasaun ninia apelidu maka Cruz. Ninia jerasaun maka Dom João da Cruz. Rota ne'e agora ha’u-nia mãe ninia Maun-Boot maka kaer) no ha’u-nia pai ninia jerasaun kontinua nafatin nu’udar Dato (ikus mai hetan rota ho naran Rota Parlamento iha ninia tutun iha osan mean lubuk balun. Ha’u-nia pai maka kaer rota ne’e).

 

Maibé iha Funar se maka ukun sai Dom ikus liu maka ha’u-nia mãe ninia abo (mãe nia mãe ninia pai) maka Dom José do Espírito Santo.  Iha foho ne’e ninia oin iha foho ida naran Liambau husi iha Reinu Liurai Manelima nian. Rota Liurai Manelima ha’u-nia pai ninia rian tio Francisco maka kaer.  (Tio Francisco nia pai abo Carlos Soares maka kaer rota Liurai Menelima mas ukun iha reinu maka abo Luís Ferreira Soares maka ukun depois passa ba abo Nicolau Ferreira maka ukun. Abo Nicolau Ferreira ha’u-nia inan-sarani ninia pai, ha’u-nia mãe bolu pai klaran).

 

 

Ha'u-nia padrinho Domingos do Espírito Santo maka reprezenta nu'udar Liurai Funar ho Liurai Laklubar depois ukun rasik an. Iha tempu Indonésia nian ha'u-nia mãe nia tiun abo Aníbal do Espírito Santo maka nu'udar Liurai Funar no Liurai Laklubar no reprezenta nu'udar anggota DPR husi Laklubar nian iha Manatuto.  Depois pasa ba tio Inocêncio do Espírito Santo (milisi sira maka oho). 

 

Iha ha’u-nia família hola malu ne'e akontese ho ran rasik hela no hanesan ne’e akontese beibeik. Ha’u-nia pai ho mãe rasik mos tuir doutrina igreja nian la bele hola malu. Mas lisan maka haruka no liu-liu abo Liurai Anibal do Espírito Santo iha poder maka’as influensia abo katekista (bupati Vidal Doutell Sarmento nia pai) lori aseita sira-nia kazamentu.

 

Ha’u fiar uma lisan ninia haruka no depois depende ba matan ho fuan. Ha’u mos nafatin apoiu se ha’u-nia primu ou prima balu gosta malu no hakarak hola malu, ha’u uza nafatin sistema tuananga nian. Di’akliu tanba ita conhece malu di’ak nanis tiha ona.  Dalaruma ema Laklubar seluk dehan ami (dalabarak ema lubuk ida dehan tiha ona mai ha’u imi ne’e ran ida de’it hola malu fali ne’e. No ha’u hatan katak ami hola malu tanba uma lisan ninia haruka no klaru tanba mos matan ho fuan). 


mais sobre mim
pesquisar neste blog
 
January 2013
Sun
Mon
Tue
Wed
Thu
Fri
Sat

1
2
3
4
5

6
7
8
9
10
11
12

13
14
15
17
18
19

20
21
22
23
24
25
26

27
28
29
30
31


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
blogs SAPO