comentar
publicado por Hercus Santos at 11:10 pm

Bainhira ha’u-nia ain sei sama iha rai ida-ne’e

Ha’u-nia liman sei hasae ba lalehan

Bainhira ha’u-nia liman tane

Ba leten as ne’ebá ha’u-nia klamar mos sei harohan

Husi ha’u-nia moris ida-ne’ebé nakonu

Ho mistériu oioin no karik ha’u atu hamout

Hau sei tenta atu hamriik metin no lamonu

Iha Na’i ne’ebé maka sai nu’udar hau nia hun no abut.

 


comentar
publicado por Hercus Santos at 11:08 pm

Sei iha tiru


Husi ha’u-nia maun-alin sira

Tiru tarutu ba ukun-na’in sira ne’ebé nonook

Ba ukun-na’in sira ne’ebé lakon neon

Ba povu sira-nia problema.



Povu sira-nia problema sempre iha

Karik la bele budu

Atu tempu la bele tarde

 

 

 



Atu hanoin sei malirin

Atu hakarak di’ak sei iha

Selae reen-toos la biban atu basa

Laran la merese atu triste

Mata-been la soi atu tanis.


Sei iha tiru

Husi ha’u-nia maun-alin sira

Tiru nadodon harahun nonok makerek

Hamoris sensibilidade ba problema sira iha tempu oin mai

Tempu ne’ebé ita hotu hakarak

Tempu  hakmatek  no  ksolok.

 

 

 

20 Juñu 2006


comentar
publicado por Hercus Santos at 11:06 pm

Timor,

Iha-ne’ebé ha’u-nia isin no klamar

Moris atu hamoris moris ida-ne’ebé di’ak liu.

 

Timor,

Iha-ne’ebé ha’u-nia mehi no esperansa nia hela fatin

Atu fó beran lori hasoru no luta ba moris ida-ne’ebé ho dignidade.

 

Timor,

Iha-ne’ebé ha’u-nia hakas an no hakarak

Atu tane no serbi emar no rain doben

Ho espíritu unidade nian

Ho hanoin atu fó no fahe ba malu

Iha klamar ida de’it nu’udar timoroan.

 

Timor,

Iha-ne’ebé ha’u-nia iis hahú dada

Lori moris ho hakmatek no haksolok

Ha’u hakarak mós atu ó sai fatin iha-ne’ebé ha’u-nia iis hahú kotu

Atu nune’e ó Timor maka fatin ne’ebé ha’u-nia isin no klamar nia

Hela-fatin ho hakmatek no haksolok.

tags: ,

mais sobre mim
pesquisar neste blog
 
September 2010
Sun
Mon
Tue
Wed
Thu
Fri
Sat

1
2
3
4

5
6
7
8
9
10
11

12
13
16
17
18

19
20
21
22
23
25

26
27
28
29


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
subscrever feeds
blogs SAPO