comentar
publicado por Hercus Santos at 02:01 am


comentar
publicado por Hercus Santos at 02:44 am


comentar
publicado por Hercus Santos at 11:29 pm

Orasaun husi Santu Inácio

 

Na’i foti no simu ba

ha’u-nia liberdade  tomak,

ha’u-nia memória,

no ha’u-nia matenek,

Ha’u-nia hakarak tomak

No buat hotu ne’ebé maka ha’u soi

Ita-Boot maka haraik mai ha’u

No ha’u fó fila hikas ba Ita-Boot.

 

Buat hotu Ita-Boot nian: lori halo tuir

Ita-Boot nia hakarak.

Haraik de’it mai ha’u, Na’i,

Ita-Boot nia domin no

Ita-Boot nia grasa,

Tanba domin no grasa Ita-Boot nian de’it to’o ona mai ha’u!

 

 

 

Ha’u-nia hakarak

 

Ha’u hakarak hahú hakerek iha artigu badak ida-ne’e konabá ha’u-nia hakarak ba ha’u-nia moris ho orasaun Santu Inácio de Loyola nian.

Orasaun ne’e ha’u gosta tebes. Orasaun badak hela maibé ninia sentidu kle’an tebes. Sentidu entrega an tomak ba Maromak nia hakarak.

Moris ne’e segredu ida-ne’ebé maka ita lahatene. Ita lahatene saída maka sei akontese iha tempu oin mai. Maibé nu’udar sarani no nu’udar ema ne’ebé fiar iha Maromak, ita fiar katak ita-nia moris husi Maromak, ho Maromak no sei fila fali ba Maromak. Katak buat hotu tuir Maromak ninia hakarak. No moris tuir Maromak ninia hakarak maka moris ne’ebé lori ita moris haksolok iha moris ida-ne’e no moris iha Lalehan. Tanba ne’e moris haksolok la’ós moris iha riku nia laran no la’ós mós moris atu sai boot.  Ema riku no ema boot barak moris la haksolok.

Moris  haksolok maka moris atu serbi ema seluk ho haraik an no lia-loos nia laran iha Maromak ninia mahan.

Tanba ne’e maka mai ha’u, bainhira remata tiha karik estudu ida-ne’e, ha’u hakarak atu serbi ema seluk iha NGO ruma tulun ema kiak sira ou iha organizasaun igreja nian ruma. Ha’u sei buka atu ajuda ema seluk no tuir de’it lia-loos. Lia-loos no respeitu ema seluk. Buat rua ne’e ha’u hakarak atu sai hanesan ha’u-nia dalan moris nian. Tanba ema hotu-hotu presiza maka buat rua ne’e lia-loos ba nia no ema seluk ninia respeitu ba nia.

Ohin, ha’u-nia hakarak ne’e ha’u hakerek hela iha-ne’e, hanesan sasin ida hela. Tanba Timór ne’e iha maluk barak maka presiza ema seluk ninia kontribuisaun atu hadi’a ninia moris. Idak-idak kontribui tuir ninia kapasidade no tuir ninia jeitu.

Mai ha’u maka oinsá ha’u-nia moris ne’e bele lori di’ak ba ema seluk ho haraik an no simplisidade nia laran, buka atu hakuak ema hotu, buka atu tau sasan tuir ninia fatin, buka atu rona no tuir ema maioria nia hakarak, buka atu respeita ema seluk ninia hanoin, hanoin no laran nakloke ba ema seluk ninia hanoin. Buka atu tur hamutuk lori rezolve problema ruma. Buka atu harii unidade iha respeitu malu.  Se ha’u-nia moris tulun ema seluk ne’e hanesan grasa ida-ne’ebé lori ksolok mai ha’u. Tanba ha’u fiar moris ne’e hanesan “sementara de’it” no la vale buat ida se moris ne’e buka atu halo konflitu fali ba malu. Husik ba ema seluk manan naran katak ha’u-nia moris hakmatek atu ha’u bele serbi ema seluk ho di’ak. Ha’u presiza maka ema seluk hadomi ha’u no ha’u hadomi ema seluk iha entrega an ba ema seluk nia di’ak. Hanesan orasaun Santu Inácio, buat ne’ebé maka ha’u presiza liu maka domin no grasa Maromak nian. Tanba buat hotu iha mundu ida-ne’e Maromak nian no ha’u fó hikas ba Maromak atu ha’u-nia moris halo tuir de’it Maromak nia hakarak iha serbi ba ema seluk nia di’ak.

 

Husi Hercus Santos

 


mais sobre mim
pesquisar neste blog
 
December 2010
Sun
Mon
Tue
Wed
Thu
Fri
Sat

1
2
3
4

5
6
7
8
9
10
11

12
13
15
16
17
18

21
22
23
24
25

26
27
28
29
30
31


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
subscrever feeds
blogs SAPO