comentar
publicado por Hercus Santos at 05:56 pm

 

 

 

Tia ferik ida ho lipa naklees belit iha isin krekas

Kosar metan sulin nadodon husi nia oin namkurut

Tuur iha lurón ninin lori foti liman hasa’e ninia harohan.

 

Oh Na’i!

Kiak maka mate klamar

Ne’ebé metan no nakukun loos

Oin aat no ruin nakrekat

Mate klamar husi atus ba rihun

Tokon ba nanun

Hanesan fatuk ruin maran dekor.

 

Oh Maromak!

Mate klamar oin aat tebes

No kiak maka mate klamar oin aat tebes

Maka rai mamar

Maka tahu

Oh Maromak

Ema sei hakilar

Sei halo revolusaun

Sei haka’as an

Lori sai husi terus nia laran.

 

 

Na’i!

La’ós mós katak kiak maka dalan

Lori hetan na’ok-teen sira

Tanba iha-ne’ebé sei iha kiak barak

Iha-ne’ebá iha mós na’ok-teen sira-nia fatin.

 

Oh Na’i!

Kiak maka ai-tarak

Ai-tarak ne’ebé haree la kro’at

Maibé halo ema isin sempre tuur la hakmatek

Kiak maka manu loriku lian

Lian iha luhan ida-ne’ebé ema sira ne’ebé ho lian ne’e

La tau matan no halo fali sai múzika lori dansa

Dansa iha rai-ne’ebé sei kalan nakukun

Iha ruin-ruin sira-nia leten

Iha halerik nia laran

Iha mata-been nia okos.

 

Oh Maromak!

Lolo hela karik liman mai

Atu la iha tan kiak ne’ebé maka mate klamar

Oin-aat no ruin nakrakat iha mundu ida-ne’e.  

 

Husi Hercus Santos

 

 

 

 

Hadomi 2

 

Iha momentu ne’ebé ha’u hadomi

Ha’u sei hadomi ho laran tomak

Hanesan momentu seluk la iha tan ona

Hadomi katak fiel

Se la iha fieldade

Ne’e katak domin bosok.

 

Husi Hercus Santos


mais sobre mim
pesquisar neste blog
 
March 2012
Sun
Mon
Tue
Wed
Thu
Fri
Sat

1
2
3

4
5
6
7
8
9

11
12
13
14
15
17

18
19
20
22
23
24

25
26
27
28
29
30
31


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
subscrever feeds
blogs SAPO