comentar
publicado por Hercus Santos at 11:30 am

 

 

 

Iha fotografia ne’e ita haree hetan fatin ida naran Bahera. Baibain ema barak temi liu ho naran laletek (kaletek) Bahera.  Laletek Bahera ne’e hanesan laletek ida-ne’ebé halo parte ba família real Liurai Manelima-Laklubar nian no iha fatin-ne’e maka harii Uma Lisan Liurai Manelima nian. Iha foho seluk ida naran foho Liambau.

 

Iha buat rua importante husi fatin Bahera ne’e mai ha’u maka iha laletek ne’e iha parte husi foho lolon ida pertense mai ha’u-nia pai nia família. Tuir ha’u-nia pai ho nia maun alin sira (liu-liu Pai Dinis, Pai Fernando) hateten katak Dom Dinis Malietar, Liurai Manelima fó foho lolon ida ba ninia subriña maka ha’u-nia bisavó feto Filomena Naenahak, bainhira ha’u-nia bisavó mane Dato Jerimias, Dom João da Cruz nia subriñu, hafoli nia lori ba Funar.

 

Tuir ha’u-nia pai konta katak ha’u-nia bisevó feto bainhira sei joven nia maka hein no han hahan lulik iha Uma Lisan Liurai Manelima enkuantu bisavô Fernando Osório Soares sai mestre iha Soibada. Ho nune’e maka povu sira hanaran ha’u-nia bisavó feto ne’e ho naran Na’i Busak.

 

Iha parte rota Liurai Manelima nian, depois abo Carlos Soares ne’ebé maka hola ha’u-nia abo nia feton (ha’u-nia pai nia tian) naran Eugénia maka kaer Rota. Iha ukun reinu Manelima iha momento ne’ebá maka abo Luis Ferreira Soares. Abo Carlos kaer rota mas ukun abo Luis Ferreira Soares maka ukun. Ho nune’e maka Liurai Manelima maka abo Luis Ferreira Soares.

 

Abo Luís Ferreira Soares, Abo Fernando Osório Soares, Filomena Nae Nahak no abo Carlos Soares sira-ne'e mesak ran Liurai Manelima-Laklubar.

 

Iha tempu agora rota Liurai Manelima tio Francisco Soares maka kaer. Tio Francisco ne’e abo Carlos nia oan mane no tio Francisco hola fali ha’u-nia pai nia feton.

 

Ita kuandu lee di’adi’ak ha’u-nia família sira hola malu iha leten ne’e ita sei hetan katak hola malu akontese primeiru grau de’it.

 

Hola malu hanesan ne’e akontese dala barak tebes iha ha’u-nia família sira (Manelima ho Funar) no iha mos kultura sira seluk mos. Kuandu ita lee di’adi’ak Biblia iha antigu testamentu ita sei hetan mós katak hola malu entre primeiru grau mós akontese mós.

 

Bainhira ha’u-nia bisavó feto mate maka foin sarani. Iha momento ne’ebé maka abo liurai feto sira husi Manelima maka husu ba ha’u-nia abó-mãe (mãe nia mãe), Felismina do Espírito Santo maka sai inan sarani. Ha’u-nia abo-mãe nu’uda oan husi Dom José do Espírito Santo.

 

Tur iha mama fatin lori selu ha’u-nia bisavó ne’e maka Abo Liurai Luis Ferreira Soares ho nia subriñu maka Francisco Osório Soares. Tio José Estévão Soares loron ida iha Jornal Lia Foun nia konta mai ha'u konabá abo Liurai Luís Soares(tio Estévão nia pai) finje sidi atu nune'e fó kulpa ba ha'u-nia família sira Funar atu nune'e para hetan sala kuda ida ne'ebé maka nia haree no laran monu ba ne'e. No nia hetan duni sala ho kuda ne'ebé maka nia gosta ne'e. Hahalok hanesan ne'e mai ami hanesan estima malu no hadomi malu ida.

 

Família real Liurai Manelima ba tomak iha Funar no tuir pai konta katak família real Liurai Manelima hela iha Funar durante fulan balu nia laran.

 

Festa mate nian hala’o durante fulan ida nia laran. Biar festa hotu tiha mas famílai real Liurai manelima sira balu sei hela nafatin iha Funar. 

 

Buat ida ne'ebé maka ha'u tenki ko'alia loloos iha-ne'e la'ós ran liurai ho dato hotu-hotu riku no la'ós ran liurai ho dato hotu-hotu ki'ak. Ki'ak ho riku ne'e sirkunstánsia moris ida-ne'ebé maka dinámiku. Mas ne'e la'ós no la bele sai razaun no nunka uza atu lori minimiza ou desvaloriza ema ida ne'ebé ran liurai no dato lori dehan fali katak nia la'ós ran liurai ou dato. 


mais sobre mim
pesquisar neste blog
 
June 2013
Sun
Mon
Tue
Wed
Thu
Fri
Sat

1

2
3
4
5
6
7
8

9
10
11
12
14
15

16
17
18
19
20
21
22

23
24
25
26
27
28
29

30


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
subscrever feeds
blogs SAPO