comentar
publicado por Hercus Santos at 02:17 am

 

Husi Hercus dos Santos*

 

 

 

Timor-Leste, iha prosesu harii Estado de Direito Democrático, iha kuidadu tebes atu oinsá maka proteje direitos fundamentais sidadaun nian. Ne'e ita bele haree iha Konstituisaun Repúblika Demokrátika Timor-Leste nu'udar fonte primáriu husi direitu pozitivu iha ita-nia ordenamentu jurídiku (karakter husi supremasia Direito Constitucional nian). Ne'e hanesan Professór Jorge Bacelar Gouveia hateten “ Cumpre também assinalar o relevo dado, sendo assim erigida a parte própria, à matéria da defesa e segurança, no que não terá sido alheio o recente percurso histórico-político do povo e do território de Timor-Leste, o mesmo igualmente se dizendo dos princípios fundamentais, que se apresentam numa parte inicial, sistematicamente autonomizado”[1].

 

Nu'udar Estado de Direito, Timor-Leste harii iha prinsípiu legalidade, iha protesaun ba direitos fundamentais no iha separação dos poderes. Ne'e ita hetan iha konstituisaun hanesan iha primeira parte maka princípios fundamentais, iha segunda parte maka direitos, deveres, liberdades, garantias no iha terseira parte maka separação dos poderes.

 

Bainhira ita ko'alia kona-ba prinsípiu legalidade ita presiza tau atensaun moos katak ita-nia konstituisaun fó moos importánsia ba direito costumeiro lori rezolve problema sira iha ita-nia komunidade nia leet ou katak lei estaduál la´os única fonte de Direito hanesan temi iha konstituisaun artigu 2 númeru 4 “O Estado reconhece e valoriza as normas e os usos costumeiros de Timor-Leste que não contrariem a Constituição e a legislação que trate especialmente do direito costumeiro”.Maibé moos ita labele naran-naran aplika Direito Costumeiro iha ita-nia sosiedade nia leet tanba tuir ita-nia konstituisaun haruka hanesan temi iha leten ne'e maka lei constitucional iha primazia perante normas costumeiras. Hanesan Professór Jorge Bacelar Gouveia hateten “Daí automaticamente não se segue, porém, a impossibilidade de a lei- neste caso, a lei constitucional- se pronunciar sobre a validade do costume”[2]  Ou ho lian badak ita dehan katak ita só bele aplika Direito Costumeiro naran katak Direito Costumeiro ne'e la kontra ita-nia konstituisaun. Tanba lei hotu-hotu nu'udar moos lei costumeira sira tenke iha konformidade ho konstituisaun.

 

Nu'udar nasaun ida foin moris, Timor-Leste sei frájil tebes. Frajilidade moos iha konstrusaun Estado de Direito tanba sei kuran recursos humanos - matenek na'in ho kualifikasaun di'ak, divizionizmu etnia ne'ebé maka eziste iha ita-nia rai laran no konflitu seluk-seluk tan ne'ebé maka dada husi tempu uluk mai to'o agora. Ho nune'e maka bele halo situasaun polítika Timor-Leste nian bele muda drastikamente husi tempu ida ba tempu seluk.

 

1.  Direitos Fundamentais no haree lais liu de'it ba ninia evolusaun

 

Tuir José Carlos Viera de Andrade hateten katak “Os direitos fundamentais triunfaram politicamente nos fins do século XVIII com as revoluções liberais. Aparecem por isso, fundamentalmente, como liberdades, esferas de autonomia dos indivíduos em face do poder do Estado”[3]. Ne'e ita haree katak ita ema lakohi tan ona atu Estado Absolutu ou Ditadura ne’ebé kontrola tomak ita-nia direitos fundamentais tanba ita-nia direitos fundamentais maka ita hakarak tebes soi iha esfera pesoál i privada ou iha esfera públika i koletiva.

Ita haree katak iha revolusaun ou iha funu iha rai-Europa ema halo tanba iha violasaun ba ita-nia direitos fundamentais. Ho nune’e maka lori hamosu konseitu foun ba Estadu; Estadu laiku no demokrátiku bazeia ba soberania povu nian lori troka estadu absolutu ho direitu divinu monarka nian ne’ebé maka limita maka’as tebes ema nia liberdade no viola ema nia direitos fundamentais. Ho harahun tiha Estadu absolutu maka, tuir Professor Jorge Bacelar Gouveia, mosu prinsípiu Estado de Direito, ida husi prinsípiu nu’udar rezultadu husi Konstitusionalizmu ho Liberalizmu lori harii Estadu Kontemporáneu ne’ebé nia objetivu prinsipál maka limitasaun ba poder polítiku.

 

Jose Carlos Viera de Andrade afirma katak “os direitos fundamentais relevam em primeira instância do chamado direito natural”[4]. Ne'e katak ita ema moris mai ho ona direitos fundamentais, maka direitu naturál. La importa rasa, kór kulit, relijiaun no diferensa barak seluk tan ne'ebé maka ita ema iha. Ita bele dehan katak ita nu'udar ema iha ona direitos fundamentais. Tuir José Carlos Viera de Andrade, os direitos fundamentais moris mai husi perspetiva filozófika hafoin maka tama ba ordenamentu pozitivu ou iha prátika jurídika husi sosiedade polítika ida nia laran. Enkuantu direito natural tuir Locke maka liberdade. Katak liberdade ba an rasik, ema idak-idak iha direitu ba moris no dispoen nia na rasik ho liberdade. Liberdade ne'ebé haree nu'udar direitu propriedade ida. Ou katak la iha ema ida maka sai fali propriedade ba ema seluk. Enkuantu ba Thomas Hobbes iha-ne’ebé nia dehan katak direitu naturál hamoris nu’udar liberdade ne’ebé maka ita ema idak-idak uza ho livre ho ita-nia podér rasik lori konserva ita-nia moris atu halo buat hotu ne’ebé maka ita-nia juizu ho ita-nia razaun konsidera nu’udar meiu di’ak lori ezekuta fin ne’e. Maibé ema barak hanoin katak liberdade ba Hobbes maka libertinajen tanba ba Hobbes liberdade la iha limite. Ba Hobbes ita ema iha direitu naturál ba sasan hotu-hotu, ba auto-prezervasaun, no moos direitu naturál atu ema idak-idak ukun ninia an rasik no halo saída de’it maka nia hakarak. Tuir fali Grocio dehan katak direitu prinsipál ema nian maka direitu ba auto-prezervasaun ou direitu ba moris. Nia rasik moos rekoñese katak eziste direitos naturais ema nian ne’ebé maka ita hetan ho razaun. Nia hahú halo laisizaun ba direitu. Nia hakotu relasaun anteriór ne’ebé liga direitu ho podér divinu. Ba nia direitu nu’udar fenómenu ita ema nian.

 

Ita ema kuandu moris, moris iha sosiedade ida nia laran, husi kultura ida, husi sivilizasaun ida no buat sira ne'e eziste oioin iha mundu ho nune'e maka evolusaun ba konseitu ba direitos fundamentais moos iha oioin. Cristina M.M Queiroz hateten katak “Definir os direitos, a ordem jurídica, mesmo tratando-se dos direitos fundamentais, não se apresenta como tarefa fácil. A noção mostra-se difícil. O horizonte diverge consoante os países e as nacionalidades. As concepções filosóficas que lhe subjazem divergem também. As questões que levanta e conleva não são de resposta fácil”[5].

 

Vizaun kona-ba importánsia ba direitos fundamentais moos oioin husi nasaun ida ba nasaun seluk. Ba nasaun balu importante liu maka direitos, liberdades no garantias i ba nasaun seluk importante liu maka direitos económicos, sociais no culturais. Ne'e tanba depende ba interese ne'ebé maka la hanesan husi nasaun sira ne'e. Depende moos ba kultura, karakterístika no nesesidade husi nasaun sira ne'e idak-idak. Iha mundu osidentál prevalese liu maka direitu, no liberdade pesoál, individuál duke interese komún husi sosiedade ne'ebé maka sei eziste iha mundu aziátiku no afrikana. Tanba ne'e maka buat ida Direitos Humanos haree moos nu'udar invensaun husi mundu osidentál-europeu nian, ne'ebé moris husi inspirasaun husi buat ida ita temi iha leten liberdade pesoál individuál.

 

Períodu ba pre-konstitusionál hahú ho Código do Ur-Nammu (ho data 2100 a. C) ho Código de Humarabi (ho data 1690). Kódigu rua ne'e soi objetivu, entre objetivu sira seluk, maka limita aplikasaun penas arbitrárias ba populasaun sira. Maibé direitos fundamentais konsagra dahuluk loloos iha konstituisaun maka iha konstituisaun Weimar.

 

Enkuantu iha Grésia ho estoicos e depois iha Roma ho Cícero sira iha moos rekoñesimentu ba dignidade no igualdade ema nian. Biar iha momentu ne'ebá sei eziste eskravatura. Na'i sira soi atan sira nu'udar sira-nia “propriedade”. Maibé importante liu maka iha époka ne'ebá komesa iha ona konxiénsia ba dignidade ho igualdade ita ema nian.

Tuir Profesór João Rosas, hateten katak biar protagonista ba elaborasaun testu sira ne'ebé lori defende direitos fundamentais ita ema nian, sira moos iha “atan” hanesan ezemplu Thomas Jefferson bainhira nia hakerek deklarasaun ba EUA. Eziste sempre diferensa tratamentu iha sosiedade nia laran dezde tempu imemoriál to'o ohin loron. Ne'e hanesan realidade ita ema nian ne'ebé maka ita presiza kombate bainhira ita ko'alia kona-ba protesaun ba direitos fundamentais. Maibé marku Istóriku ida-ne'ebé maka fó importánsia maka'as tebes no soi influénsia boot lori kontribui ba ideia direitos fundamentais ita ema nian iha mundu osidentál maka identifika ho ezisténsia identidade forte ida ho karakter relijioza ne'ebé maka soi podér polítiku ne'ebé maka forte tebes maka Igreja Católica iha sosiedade europeu iha Idade Média nia laran. Tuir Jesus Cristo nia hanorin, mandamentu Lei ne'ebé maka boot liu maka domin(Mat, 22:37-40). Lei domin nian prevalese iha ita ema nia moris tomak biar hasoru funu-baluk sira (Luc, 6:27-36).

 

Jesus nia hanorin mai kontra Moisés nia hanorin ho tradisaun judaika iha-ne'ebé maka iha arbítriu ba tratamentu iha relasaun ho julgamentu ba ema maksalak sira, ema sira-ne'ebé maka kontra lei Moisés nian ho apedrajamento (tuda fatuk to'o mate). Porezemplu bainhira povu sira atu komesa tuda (apedrajamento) Maria Magdalena maibé Jesus kontra hahalok ne'ebé maka la iha perdaun no hahalok degradante ba dignidade ema nian.

 

Jesus iha ninia hanorin tomak kontra lei uluk nian ne'ebé maka dehan “matan troka matan i nehan troka neha”. Lei domin ne'ebé maka Jesus hanorin dignifika ita ema nu'udar Maromak ilas. Maromak beran na'in, magnífiku, no ita ema nu'udar Nia ilas ne'e katak ita ema moos dignu, iha valór i inkomparavel ho kualkér kriasaun seluk Maromak nian. Tanba ita ema nu'udar moos Maromak oan hanesan Apóstolu Paulu dehan iha ninia karta ba Galatas: “ Todos vocês são filhos de Deus....” (Gal, 3:26). Paulu dehan liután katak “Não há judeu nem grego, não há escravo nem livre” (Gal,3: 28). Ho Jesus nia hanorin ne'e maka hamosu vizaun foun ida ba tratamentu iha respeitu ba direitos fundamentais ba dignidade ema nian ho igualdade entre seluk tan ba ita ema iha mundu tomak. Jellinek moos dehan katak ideia lori konsagra lejizlativamente direitos naturais ema nian la'ós ideia ho orijen polítika maibé ideia ho orijen relijioza. Maibé ne'e moos la signifika katak ierarkia Igreja nian aplika ho loloos lei domin nian. Iha Istória hatudu moos mai ita katak iha pasadu iha Inkizisaun ne'ebé maka ita presiza atu la banati tuir iha tempu reforma no kontra-reforma nian.

 

Iha Istória badak haree ba oinsá mosu ideia atu reforsa ou hametin direitos fundamentais hahú husi Magna Charta Libertatum 1215 ne'ebé prevee limitasaun ba podér arbitráriu husi Liurai ba klase nobreza sira, igreja; kleru sira. Iha doutrina, Magna Charta konsidera nu'udar ida husi instrumentu ba delimitasaun ba podér ho moos nu'udar orijen ba prinsípiu Habeas Corpus; rekoñesimentu ba integridade fíziku i liberdade ema nian hasoru podér Estadu nian. Soi moos prinsípiu legalidade ho ideia ba prosesu justu.

Tuir fali mosu Petition of Rights (1628), Abolition of Star Chamber (1646), Habeas Corpus Act (1679), Bill of Rights (1689). Bill of Right moris husi Revolusaun Glorioza 1688 ne'ebé atu reafirma hikas direitu sira hotu iha Magna Carta ho limitasaun ba podér Liurai nian. Iha-ne’e liu-liu ema nobreza sira lakohi atu liurai ema katóliku.

 

Deklarasaun sira ne'e mosu iha Inglaterra no depois iha influénsia boot ba revolusaun amerikana ne'ebé maka lori hamosu as Declarações de Direito dos Estados (Virgínia, Pensilvânia e Maryland). Porezemplu iha preámbulu husi Declaração de Virgínia hateten katak direitu ema nian (direitos do homem) maka baze ba Estadu.

 

Marku fundamentál lori rekoñese direitos fundamentais iha Istória maka ho akontesimentu husi revolusaun franseza ne'ebé hamosu Declaração dos Direitos do Homem e do Cidadão de 1789 ne'ebé maka iha artigu 16 hateten “que qualquer sociedade em que não esteja assegurada a garantia dos direitos fundamentais nem estabelecida a separação dos poderes nao tem constituição”.

Iha períodu ne'e maka mosu buat ida naran Estadu Liberál. Iha estadu liberál, tuir Profesór J.J. Gomes Canotilho ho Vital Morreira, soi direitos fundamentais hanesan: (a) os direitos dos indivíduos perante o Estado; direito de defesa do cidadão contra o Estado; (b) direitos de liberdade individual. c) os direitos fundamentais revestem o caracter de normas de distribuição de competências entre o individuo e o Estado; (d) os direitos de liberdades apresentam-se como direitos pre-estaduais, definido um domínio de liberdade individual e social, na qual é vedada qualquer ingerência do Estado; (e) a liberdade garantida pelos direitos fundamentais é a liberdade em si e para si. Expressão da própria liberdade individual; (f) na base de todas as liberdades estão o direito de propriedade privada e a liberdade de empresa, como pressupostos da autonomia e da independência dos indivíduos.

 

 

2.  Direitos Fundamentais iha Konstituisaun Repúblika Demokrátika Timor-Leste

 

Atu hatene sistema polítiku-jurídiku husi estadu ida ita presiza haree ba konstituisaun. Ho ideia ida-ne'e maka ita tenta atu analiza Protesaun ba Direitos Fundamentais iha Konstrusaun ba Estado de Direito Democrático de Timor-Leste bazeia ba Konstituisaun. Ita hatene katak iha mundu hotu-hotu bainhira ita ko'alia kona-ba konstrusaun ba Estado de Direito Democrático sempre bazeia ba i iha harmonia ho garantia konstitusionál, prinsípiu legál konstitusionál, protesaun ba direitu ba sidadaun, protesaun ba dignidade ita ema nian, liberdade, justisa no prinsípiu demokrátiku sira seluk. Tuir Gomes Canotilho garantia sira “traduziam-se quer no direito dos cidadãos a exigir dos poderes públicos a protecção dos seus direitos, quer no reconhecimento de meios processuais adequadas a essa finalidade (ex.: direito de acesso aos tribunais para defesa dos direitos, princípios do Nullum crimen sine lege e nulla poena sine crimen, direito de habeas corpus, princípio non bis in idem).

Respeitu ba konstituisaun, ba lei no regra demokrátika sira maka fundamentál i inseparável iha prosesu konstrusaun ba estado de Direito Democrático ida iha mundu ne'e. Sein respeitu sira ne'e Estadu nakfilak sai mákina lori satisfaz vontade ukun na'in sira-ne'ebé maka iha de'it intensaun lori kaer metin ninia ukun. Ita bele haree ne'e momoos iha monarkia absoluta ou iha estadu ditadura sira iha-ne'ebé Liurai ou ditadór manda moris reinu tomak nian ou estadu tomak nian. Porezemplu hanesan akontese iha Fransa ho Liurai Luís XIV bainhira nia dehan estadu maka nia ( "L'État c'est moi"). Hanesan akontese iha Correia do Norte iha-ne'ebé sira-nia Prezidente Repúblika Kim Jong-un haruka oho ninia tiu, Jang Song-thaek, ho akuzasaun ba traisaun.

 

Iha Timor akontese moos iha tempu uluk ne'ebé ukun na'in tradisionál sira ;Liurai no dato sira iha podér tomak lori aplika pena da morte (hukuman mati) ho pena sira seluk ne'ebé maka viola Direitos Humanos ba emar maksalak sira tanba traisaun, kaer ai-moruk aat no lulik aat, na'ok, nsst. Tanba Liurai no dato sira hakribi hahalok sira hanesan iha leten ne’e. Porezemplu hanesan akontese iha reinu antigu Samoro (iha foho Aitara) ou iha rai Laklubar iha Batara no moos iha rai Funar tuir autór hetan informasaun maibé bele akontese moos iha fatin seluk.

 

Violasaun iha tempu uluk la'ós de'it aplika husi ukun na'in tradisionál sira maibé aplika moos husi ukun na'in koloniál sira ho okupante japonés sira iha Segunda Guerra Mundiál hanesan violasaun seksuál tuir NGO balu ezije maibé violasaun sira seluk moos atu Governu Japonés tenke iha konsiderasaun ba vítima inosente sira hanesan Liurai Funar, D. João da Cruz[6] (tuir livru Os Antigos Reinos de Timor-Leste husi Amu D. Carlos Filipe Ximenes Belo no tuir família sira konta) husu atu Governu Japonés bele konsidera família vítima Liurai Funar ne'e hamutuk moos ho Liurai ida husi Ossu no timoroan lubuk sira seluk ne’ebé maka terus no hetan tratamentu dezumanu no violasaun Direitos Humanos tanba rezultadu husi Segunda Guerra Mundial. Maibé violasaun ba direitos fundamentais ne'ebé maka maka'as liu maka iha tempu indonézia nian. Ne'e nu'udar ezemplu de'it atu lori hatudu katak iha fatin barak iha mundu inklui moos iha rai doben Timor-Leste iha falta respeitu ba direitos fundamentais ne'ebé hamosu husi ukun na'in ho karakter ditadór ou tradisaun emar Timor nian ne'ebé maka viola direitos fundamentais ema nian.

 

Iha kontestu Timor-Leste nian agora, haree husi pontudevista lei nian, la iha fatin ba kualkér ditadura nein ba kualkér forma tratamentu kruél e dezumanu husi ema ruma ou entidade tradisionál, relijiozu ou estadu tanba ita-nia konstituisaun nu'udar lei inan (ho moos Convenção Contra a Tortura e Outras Penas ou Tratamentos Cruéis, Desumanos ou Degradantes ne’ebé maka Timor-Leste ratifika tiha ona) asegura kedas ona iha ninia preámbulu lori bandu kualkér hahalok ilísitu ne'ebé maka kontra prinsípiu legalidade ho prinsípiu dignidade ema nian hanesan ita bele haree iha parágrafu númeru 12 ne'ebé maka dehan: “ Reafirmam solenemente a sua determinação em combater todas as formas de tirania, opressão, dominação e segregação social, cultural ou religiosa, defender a independência nacional, respeitar e garantir os direitos humanos e os direitos fundamentais do cidadão, assegurar o princípio da separação de poderes na organização do Estado e estabelecer as regras essenciais da democracia pluralista, tendo em vista a construção de um país justo e próspero e o desenvolvimento de uma sociedade solidária e fraterna”.

 

Timor-Leste iha konxiénsia ba importánsia respeitu ba Konstituisaun, ba lei sira, ba kultura demokrátika no respeitu ba instituisaun ne'ebé maka harii ho demokrasia (o respeito pelas instituições democraticamente eleitas) maka nu'udar via ne'ebé maka normál iha estado democrático de direito ne'ebé maka iha prosesu harii no konsolida ba oin. Konxiénsia ba importánsia ba respeitu ba Konstituisaun i ba lei sira kompartilla ba definisaun husi Estado de Direito, tuir Klaus Stern, sita husi Maria Lúcia Amaral iha ninia livru a Forma da República, hateten katak Estado de Direito signifika katak podér Estadu nian só bele ezerse ho fundamentu husi Konstituisaun, i iha lei ne'ebé maka formál i materialmente la'o tuir Konstituisaun, ho objetivu atu garante dignidade ema nian, liberdade, justisa no seguransa.

 

Bazeia ba definisaun iha leten ne'e maka ita bele halo ligasaun lori interprete ba preámbulu ba Konstituisaun Timor-Leste iha parágrafu 10 ne'ebé hateten katak “Plenamente conscientes de necessidade de se erigir uma cultura democrática e institucional própria de um Estado de Direito onde o respeito pela Constituição, pelas leis e pelas instituições democraticamente eleitas sejam a sua base inquestionável” no iha harmonia ho artigu 1 husi Konstituisaun ne'ebé maka hateten“Timor-Leste é um Estado de Direito democrático, soberano, independente e unitário, baseando na vontade popular e no respeito pela dignidade da pessoa humana”. Husi ne'e maka ita bele deduz no afirma ho brani katak prinsípiu Estado de Direito Democrático prevalese iha ordenamentu jurídiku iha Timor-Leste. Tuir Profesór Gomes Canotilho ho Vital Moreira hateten katak “o princípio de Estado de Direito, exprime, de forma global, a ideia de uma «ordem de paz» estadualmente garantida através do direito, mas é também referido como designante de vários subprincípios concretizadores com ele conexionados (princípio de juridicidade, princípio da constitucionalidade, princípio da legalidade da administração, princípio da protecção da confiança, princípio da divisão de poderes, entre outros)”[7]. Sira na’in rua hateten liután katak “Por sua vez, o princípio democrático significa o «poder do povo, pelo povo e para povo», mas ele também uma condensação de várias dimensões concretizadoras do fundamento e legitimação do poder político (princípio da soberania popular, princípio eleitoral, princípio pluripartidário, princípio representativo, princípio participativo”[8]. Profesór Gomes Canotilho ho Vital Moreira afirma moos katak “o Estado de Direito só o é verdadeiramente enquanto democraticamente legitimado (pela sua formação e pelo seu conteúdo). O Estado democrático só o é genuinamente enquanto a sua organização e funcionamento assentam no direito e não na prepotência”[9].

 

Iha artigu hanesan (artigu 1) husi Konstituisaun invoka moos ida husi elementu prinsipál sira iha definisaun ba Estado de Direito tuir Klaus maka respeitu ba prinsípiu ba dignidade ema nian. Ho hanoin katak prinsípiu ba dignidade ema nian maka ida husi prinsípiu importante sira iha protesaun ba direitos fundamentais sidadaun sira nian.

 

Iha kualkér estadu, sein prinsípiu Estado de Direito, direitos fundamentais sidadaun sira nian iha perigu nia laran hela ou ho liafuan seluk ita bele dehan katak sein prinsípiu Estado de Direito sei la iha respeitu ba direitos fundamentais sidadaun sira nian. Garantia ba protesaun direitos fundamentais sidadaun sira nian só bele asegura iha Estado de Direito ida nia laran. Tanba prinsípiu Estado de Direito moris husi princípio da soberania popular, secularização ho laicização do poder lori kontra prinsípiu Estadu absolutu iha ne'ebé soi hanoin ida iha podér divinu Liurai nian, ancient régime.

 

Tuir Profesór Pedro Carlos Bacelar de Vasconcelos, belun di’ak Timor-Leste nian, hateten katak “o princípio da soberania popular significa então, liminarmente, é o processo de secularização e laicização porque se vai diferenciar da sociedade uma identidade nova, o Estado”[10].

Tuir Profesór Jorge Bacelar Gouveia hateten katak “o princípio do Estado de Direito surge como um dos principais resultados do Constitucionalismo e do Liberalismo, sendo a expressão firme da oposição ao sistema político precedente, com a preocupação essencial pela limitação do poder político, por isso também fundando o Estado Contemporâneo”[11].

 

Timor-Leste moos prevee iha artigu 9 iha Konstituisaun ita-nia kompromisu ba konvensaun, tratadu no akordu internasionál sira atu prevalese iha ita-nia ordenamentu jurídiku internu. Ho nune'e maka fó-dalan ba Timor-Leste simu konvensaun, tratadu no akordu internasionál sira automatikamente, kuandu asina ou ratifika ona, vale nu'udar lei iha ita-nia rai laran no lei, dekretu-lei Timor-Leste nian sira tenke iha konformidade ho konvensaun, tratadu no akordu internasionál sira-ne'e. Husi ne'e maka artigu 23 prevee atu kualkér interpretasaun husi direitos fundamentais iha konstituisaun ou iha lei tenke la'o tuir ho Declaração Universal dos Direitos Humanos. Ne'e katak fonte ba interpretasaun ba direitos fundamentais iha ita-nia konstituisaun no ba ita-nia lei maka Deklarasaun Universal dos Direitos Humanos. Ho nune'e maka ita tuir ideia Profesór Jorge Miranda nian bainhira nia dehan katak “essa interpretação da Constituição conforme com a Declaração torna-se tanto mais fácil quanto é certo que ela foi uma das suas fontes”[12].

 

Liu-liu moos maka atu, tuir Profesór ne'e “alguns artigos da Declaração, que, com utilidade, esclarecem normas constitucionais, evitam dúvidas, superam divergências de localização ou de formulação, propiciam perspetivas mais ricas do que, aparentemente, as perspetivas do texto emanado do Direito interno”.

 

Timor-Leste nu'udar estadu ida foin moris, artigu 23 maka artigu ida fundamentál tebes ne'ebé hatudu momoos tebes, iha konstrusaun estado de Direito, kompromisu Timor-Leste nian atu garante no promove direitos fundamentais sidadaun sira nian no atu kompromisu ne'e sai nu'udar ida husi objetivu prinsipál husi estadu hanesan prevee iha artigu 6; garantia no promosaun ba direitos ho liberdades fundamentais sidadaun sira nian. Ita bele deduz katak ita iha garantia no promosaun husi direitos no liberdades fundamentais, ho hanoin katak direitos no liberdades nu'udar abut ba respeitu no protesaun ba dignidade ema nian, tuir artigu 1 husi konstituisaun. Ohin loron, iha kualkér estadu ne'ebé maka la respeita prinsípiu dignidade ema nian maka direitos no liberdades fundamentais sei iha perigu nia laran. Ho nune'e maka ita partilla hanoin husi Professora Benedita Mac Crorie “Assim, no Estado contemporâneo, assegurar o respeito da dignidade humana continua a ser o fim da sociedade política”[13].

 

Sidadaun ida, nu'udar ema, iha nanis rasik ona valór dignidade ida-ne'ebé maka la bele viola iha kualkér sirkunstánsia iha ninia moris tomak iha kualkér Estado de Direito Democrático ida nia laran. Dignidade ema nian maka buat ida ne'ebé irrenunsiável e inalienável no ita ema la bele konsidera nu'udar meiu ou instrumentu maibé nu'udar fin tuir Kant nia hanorin. Katak sidadaun ida la bele hetan abuzu ba ninia dignidade nu'udar ema iha kualkér sirkunstánsia ida nia laran. Ho nune'e maka iha-ne'e invoka moos ba proibisaun ba kualkér forma tratamentu kruél no degradante ne'ebé maka bele tau iha perigu prinsípiu ba dignidade ema nian hanesan pena da morte, tortura, etc. Ho nune'e maka limita hahalok ne'ebé maka ladi'ak husi ukun na'in tradisionál sira hanesan Liurai no dato sira ba sira-nia abuzu ba ukun (abuso de poder) ou ba justisa ne'ebé maka sira halo iha sira-nia área.

 

Garantia ho promosaun ba liberdade fundamentais no protesaun ba dignidade ema nian ba sidadaun sira la'o tuir moos espíritu universalidade ho igualdade bazeia ba artigu 16. Katak sidadaun hotu-hotu, nu'udar ema, hanesan iha lei nia oin no la iha ema ida maka bele hetan diskriminasaun, ho razaun saída de'it, iha Timor-Leste nia ordenamentu jurídiku.

 

Iha artigu 29 númeru 2 alínea fó kompeténsia eskluziva ba Parlamentu Nasionál lejizla kona-ba matéria direitos, liberdade no garantias no katak kualkér revizaun konstitusionál tenke respeita, entre seluk-seluk, direitos, liberdades no garantias sidadaun sira nian tuir artigu 156 alínea b. Ne'e nu'udar garantia ida ba dinámika polítika iha konstrusaun ba estado de Direito Democrático de Timor-Leste.

Hanesan ita hotu hatene katak polítika ne'e dinámika no iha posibilidade atu iha mudansa ba konjuntura polítika nasionál ho hanoin katak Timor-Leste nu'udar nasaun foun no foin sai husi konflitu no funu naruk ba Ukun Rasik An no sei soi problema barak-barak no oioin husi pasadu no soi moos frasaun oioin husi interese partidáriu ho grupu barak-barak iha sosiedade nia laran no moos interese estranjeiru ne'ebé maka bele influensia polítika interna rai laran nian. Maibé biar oinsá moos, Timor-Leste fó garantia ida atu respeitu direitos fundamentais sidadaun sira nian mezmu iha kestaun ba revisão constitucional tuir artigu ne'e.

 

Tuir Profesór Jorge Miranda «Estado de Direito não equivale a Estado sujeito ao Direito, porque não há Estado sem sujeição ao Direito no duplo sentido de Estado que age segundo processos jurídicos e que realiza uma ideia de Direito, seja ela qual for. Estado de Direito só existe quando esses processos se encontram diferenciados por diversos órgãos, de harmonia com um princípio de divisão do poder, e quando o cendem; só existe quando se dá limitação material do poder político; e esta equivale a salvaguarda dos direitos fundamentais da pessoa humana».

Iha konformidade ho ideia husi Profesór Jorge Miranda kona-ba estado de Direito iha relasaun ho prinsípiu separasaun podér ne'ebé tuir ninia linguajen «a divisão do poder» iha ne'ebé maka ita bele hetan iha ita-nia Konstituisaun iha artigu 69.

 

Importante moos atu ko'alia tuir Konstituisaun Anotada Timor-Leste ne'ebé maka halo anotasaun furak tebes bainhira ko'alia kona-ba separasaun podér. Tuir anotasaun ne'e “o princípio de separação dos poderes é uma das marcas genéticas do constitucionalismo moderno de origem liberal. O conceito ideal de Constituição, referido no artigo 16º da Declaração Universal dos Direitos do Homem e do Cidadão, prevê um documento escrito, no qual se proteja os direitos fundamentais do cidadão e garanta a organização do poder político segundo o princípio da separação de poderes. Neste entendimento, sem separação de poderes não há Constituição”. Tuir Profesór Pedro Carlos Bacelar de Vasconcelos, “a separação dos poderes é já o pressuposto e programa necessário do próprio constitucionalismo”.

 

 

3.  Konkluzaun

 

Ita haree katak protesaun ba direitos fundamentais iha konstrusaun Estado de Direito Democrático de Timor-Leste, ita-nia Konstituisaun, nu'udar orden fundamentál husi komunidade polítika ida, konsagra respeitu no promosaun ba direitos fundamentais sidadaun sira nian, nu'udar rekizitu ida husi husi estado de Direito Democrático ida no interpretasaun ba direitos fundamentais sira-ne'e tenke la'o tuir Declaração Universal dos Direitos Humanos.

 

 

* Estudante Mestradu iha Escola de Direito da Universidade do Minho

(Publika iha Jornál STL edisaun loron 8-9 April 2015)

 

Sitasaun

[1] Jorge Bacelar GOUVEIA, Manual de Direito Constitucional, vol. I, Coimbra, 2011, p.369.

2 Jorge Bacelar GOUVEIA, Manual de Direito Constitucional, vol. I, Coimbra, 2011, p.372.

3 José Carlos Viera de ANDRADE, Os Direitos Fundamentais na Constituição Portuguesa de 1976, ed. 5º, Coimbra, 2012, p.51.

4 José Carlos Viera de ANDRADE, Os Direitos Fundamentais na Constituição Portuguesa de 1976, ed. 5º, Coimbra, 2012, p.15.

5 Cristina M. M. QUEIROZ, Direitos Fundamentais; Teoria Geral, Coimbra, 2002, p. 13.

6 Informasaun badak lori esplika katak haree husi bisabo-feto Dauk, sarani ho naran Isabel (D. Dinis, Liurai Manelima, nia feen), D. João da Cruz (husi uma lisan Liurai Manehi’ak-Funar) sei iha relasaun familiar ho José Fernando Osório Soares nu’udar la’en ba oan-feto husi Governadór iha tempu ne’ebá maka Oscar Ruas. José Fernando Osório Soares nia abó-mane ho abó-feto maka D. Dinis (Uma Lisan Liurai Manelima) no Dauk (mai husi Uma Lisan Liurai Manehi’ak). Bisabó-feto Dauk nia primu maka D. João da Cruz. Iha parte seluk autór nia bisabó-mane Dato Hahik Wa’in (sarani ho naran Jerimias Hahik Wa’in husi uma lisan Dato Bamatak – Ada Lulin husi Funar) nu’udar subriñu husi D. João da Cruz no bisabó-mane Dato Hahik Wa’in nu’udar la’en ba Nae Nahak (husi Uma Lisan Liurai Lulik Manelima) nu’udar José Fernando Osório Soares nia tian. Dato Hahik moos nu’udar asuwa’in halo funu ajuda governu portugés. Família D. Dinis nian halo parte ba Apodeti no família D. João da Cruz ho Dato Hahik Wa’in halo parte ba Fretilin. Iha funu segunda guerra mundiál ne’e Liurai Fatumakerek António dos Santos de Oliveira (Liurai husi Uma Lisan Liurai Maneka’olik – Funar) ajuda tropas australianu sira. Liurai António ne’e nia inan nia maun maka D. José do Espírito Santo, liurai Funar. Liurai António nia oan mane ida hola Nae Nahak nia subriña ida husi uma Lisan Liurai Manelima. Liurai António nia feton ida kaben ho Dato Hahik Wain nia oan mane ida. Liurai António nia oan mane-boot maka primeiru sekretáriu jerál UDT nian Sr. Domingos Oliveira. Sei iha hola malu barak-barak tan entre uma lisan sira iha leten ne’e.

7 Gomes CANOTILHO e Vital MOREIRA, Fundamentos da Constituição, Coimbra, 1991, p. 73.

8Idem

9 Idem

10 Pedro Carlos Bacelar de VASCONCELOS, Teoria Geral do Controlo Jurídico do Poder Público, ed.1º, Lisboa, 1996, p. 141.

11 Jorge Bacelar GOUVEIA, Manual de Direito Constitucional, vol. I, Coimbra, 2011, p.777.

 

12Jorge MIRANDA, Manual de Direito Constitucional, Tomo VI, ed. 4ª, Coimbra, 2013, p. 185.

 

13 Benedita Ferreira da Silva CRORIE, A Vinculação dos Particulares aos Direitos Fundamentais, Coimbra, 2005, p.18.

 

 

 

 

 

Bibliografia

 

ANDRADE, J. C. Viera de, Os Direitos Fundamentais na Constituição Portuguesa de 1976, ed. 5º, Coimbra, 2012.

BOTELHO, Catarina Santos,  A Tutela Directa Dos Direitos Fundamentais, Coimbra, 2010.

CANOTILHO, J. J Gomes, e MOREIRA, Vital, Fundamentos da Constituição, Coimbra, 1991.

CANOTILHO, J. J Gomes, Direito Constitucional e Teoria da Constituição, ed.7ª, Coimbra, 2003.

CANOTILHO, J. J Gomes, Direito Constitucional, Coimbra, 1991.

CRORIE, Benedita Ferreira da Silva, A Vinculação dos Particulares aos Direitos Fundamentais, Coimbra, 2005.

GOUVEIA, Jorge Bacelar, Manual de Direito Constitucional, Vol I, ed. 4º, Coimbra, 2011.

GOUVEIA, Jorge Bacelar, Direito Constitucional de Timor-Leste, Lisboa, 2012.

JERÓNIMO, Patrícia, “Os Direitos Fundamentais na Constituição da República Democrática

de Timor-Leste e na jurisprudência do Tribunal de Recurso” , texto disponível em http://repositorium.sdum.uminho.pt/handle/1822/21651[28.03.2015].

LUCIA, Maria, A Forma da República, Coimbra, 2005.

MIRANDA, Jorge, “Manual de Direito Constitucional, Tomo VI, ed. 4ª, Coimbra, 2013.

PIRES, Paulo, Timor Labirinto da Descolonização, ed. Colibri, 2013.

QUEIROZ, Cristina M. M, Direitos Fundamentais; Teoria Geral, Coimbra, 2002.

VASCONCELOS, Pedro Carlos Bacelar, Teoria Geral do Controlo Jurídico do Poder Público, ed.1º, Lisboa, 1996.

VASCONCELOS, Pedro Carlos Bacelar (coord), “Constituição Anotada Da República Democrática de Timor-Leste, Braga, 2011.

 

 

 

 


 

 

 

 

 

 

 

 

 


mais sobre mim
pesquisar neste blog
 
April 2015
Sun
Mon
Tue
Wed
Thu
Fri
Sat

1
2
3
4

5
6
7
8
9
11

12
13
14
15
16
17
18

19
20
21
22
23
24
25

26
27
28
29
30


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
subscrever feeds
blogs SAPO