comentar
publicado por Hercus Santos at 04:55 am

Se ha’u ema australia

Hau sei dehan ba hau nia governu atu respeitu nasaun Timor-Leste ki’ik no kiak nia direitu.

Se ha’u ema australia

Ha’u sei dehan ba ha’u-nia governu atu halo polítika ho laran moos ho nasaun Timor-Leste ki’ik no kiak.

Se ha’u ema australia

Ha’u sei dehan ba ha’u-nia governu atu la bele manipula nasaun Timor-Leste ki’ik no kiak.

Se ha’u ema australia

Ha’u sei dehan ba ha’u-nia governu katak ha’u lakoi dezenvolvimentu rai Australia nian halo ho na’ok rikusoin nasaun Timor-Leste ki’ik no kiak.

Se ha’u ema australia

Ha’u sei dehan ba ha’u-nia governu atu la bele hamate esperansa moris diak ba nasaun Timor-Leste ki’ik no kiak.

Se ha’u ema australia

Ha’u sei dehan ba ha’u-nia governu atu fó fila osan ne’ebé maka governu na’ok husi nasaun Timor-Leste ki’ik no kiak.

Se ha’u ema australia

Ha’u sei dehan ba ha’u-nia governu atu keta haluhan Timor-Leste nia favor iha segunda guerra mundial.

Se ha’u ema autralia

Ha’u sei tun ba dalan halo manifestasaun no ha’u sei halibur assinatura no haruka karta ba ha’u-nia governu lori husu atu la bele esplora no bosok nasaun Timor-Leste ki’ik no kiak.

Ha’u sei la tur nonook haree no enjoy injustisa ne’ebé ha’u-nia governu halo ba nasaun Timor-Leste ki’ik no kiak maibé ha’u sei hakilar atu mundu tomak rona katak:

Ha’u kontra ha’u-nia governu nia polítika la loos ba nasaun Timor-Leste ki’ik no kiak!

Hapara esplorasaun mina iha Tasi Timor!

Define median-line ho Timor-Leste!

Fó fila osan ne’ebé pretense ba Timor-Leste!

Respeita soberania territorial Timor-Leste nian!

Tan ha’u lakoi atu ha’u-nia nasaun sai fali nasaun naokten ida iha mundu.

Tan ha’u lakoi atu ha’u-nia nasaun sai fali nasaun arrogante ida iha mundu.

Tan ha’u lakoi atu ha’u-nia nasaun sai fali nasaun manipulador ida iha mundu.

Tan  ha’u lakoi atu ha’u-nia nasaun sai fali esplorador ida ba nasaun ki’ik no kiak iha mundu.

Tan ha’u lakoi atu ha’u-nia nasaun sai fali nasaun neokoloniazador ida iha mundu.

Hanorin prinsípiu demokrátiku sira hotu mai ha’u mas viola prinsípiu demokrátiku sira hotu ho nasaun Timor-Leste ki’ik no kiak.

Agora tempu atu dehan ba ha’u-nia governu para ho polítika foer no respeita Timor-Leste nu’udar nasaun soberanu ida!

 

 

 

 

 

 


comentar
publicado por Hercus Santos at 04:50 am

Ha'u tauk moris iha ha'u-nia rain

 

Ha'u tauk moris iha ha'u-nia rain

bainhira ha'u-nia rain lakon ninia demokrasia loloos.

 

Ha'u tauk moris iha ha'u-nia rain

bainhira ha'u-nia rain liberdade loloos la iha.

 

Ha'u tauk moris iha ha'u-nia rain

bainhira ha'u-nia rain la fó valor ba moris ema nian.

 

Ha'u tauk moris iha ha'u-nia rain

bainhira ha'u-nia rain nakonu ho korupsaun no nepotizmu.

 

Ha'u tauk moris ihaha'u-nia rain

bainhira ha'u-nia rain kiak sei barak.

 

Ha'u tauk moris iha ha'u-nia rain

bainhira ha'u-nia rain nia lei sira kona de’it ba povu

no ba ema ne’ebé iha ukun no besik ba ukun lei la kona sira .

 

Ha'u tauk moris iha ha'u-nia rain

bainhira ha'u-nia rain ema liman ran no fuan la iha maka ukun.

 

Ha’u ta’uk moris iha ha’u-nia rain

bainhira sei iha ema sei moris ho mentalidade funu nian.

 

Ha’u tauk moris iha ha’u-nia rain

bainhira ha’u-nia rain sei nakonu ho teatru polítika.

 

Ha’u tauk moris iha ha’u-nia rain

bainhira mákina funsaun públika sei hatur iha interesse partidu polítiku nian.

 

Maibé hau sei tauk liu moris iha hau nia rain

bainhira ukun iha hau nia rain iha ema lubun ki’ikoan deit nia liman

no ema lubun ki’ikoan ne’e sira-nia mentalidade hanesan

ema lubun ki’ikoan iha tempu fasista

ou bele hanesan ema lubun ki’ikoan iha tempu okupasaun Indonézia nian.

Sira sai hanesan monstru ba povu ki’ik no beran laek sira moris

no depois loron ida; povu: Revolusaun-Mudansa.

 

Hosi Hercus Santos


mais sobre mim
pesquisar neste blog
 
May 2016
Sun
Mon
Tue
Wed
Thu
Fri
Sat

1
2
3
4
5
6
7

8
9
10
11
12
13
14

15
16
17
18
19
20
21

22
23
24
25
26
27
28

29
30
31


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
subscrever feeds
blogs SAPO