comentar
publicado por Hercus Santos at 01:35 pm

Bainhira ha’u haree ha’u-nia alin sira balu husi Laklubar remata sira-nia kursu ne’e orgullu ida ba komunidade Laklubar ho ba nasaun Timor Leste.

Alin sira ne’e balu hetan susesu bele remata sira-nia kursu iha Universidade Nacional de Timor Lorosa’e tanba ho apoiu makas husi Irmão São João de Deus ne’ebé maka buka dalan lori hetan apoiu finanseiru husi IPAD no benfeitor balu ne’ebé maka ajuda joven Laklubar sira bele remata sira-nia estudu iha área Direito, Medicina, Informatica, Formação de Professores no seluk-seluk tan iha Universidade Nacional de Timor Lorosa’e liuhusi projeto Formar e Desenvolver. Projetu ne’ebé importante tebes ba comunidade Laklubar.

 

Ha’u hamutuk ho alin no alin sira-nia família sira agrasede tebes ba Irmão São João de Deus. Primeiro, ha’u agradese tanba iniciativa no projetu ne’ebé diak tebes lori hasae kualidade rekursu humanus nian ba área sub-distrito rural ida hanesan Laklubar. Inisiativa di’ak hanesan ne’e so bele halo husi instituisaun ne’ebé iha preokupasaun mos ba moris comunidade nian no dalabarak mai husi maluk malae sira husi rai liur. Ha’u kontribui uitoan kuandu ha’u mos sei serbisu lori tulun osan uitoan (uitoan tebes) ba alunu rua iha Escola Secundária iha Laklubar. Ha'u mos osan la iha, osan uitoan loos, mas husi buat ne'ebé uiotan ha'u hakarak fahe mos ba maluk sira seluk. Ha'u hanoin ha'u sei la bele halo buat boot ida mas buat ki'ik ha'u bele halo ne'e mos di'ak ona. Mas buat ne’ebé maka ha’u halo maka sein hakarak hatene osan ne’e atu fó ba alunu ida-ne’ebé. Ha’u lakoi atu hatene alunu ha’u tulun nein sira hatene ha’u maka tulun sira. Buat ne’ebé di’ak liman loos halo liman karuk la presiza hatene. Mas ne’e orgulho ha’u bele halo buat dik’ak ba ema seluk, ba ha’u-nia rain no se ha’u iha biban boot liutan klaru ha’u sei halo tan.

 

Ohin ha’u la bele halo buat ida ona. Mas buat ne’ebé ha’u halo agora maka se ha’u hetan informasaun ruma kona-ba bolsa ha’u sempre fahe ba grupu Laklubar. Agora ida ne’e de’it maka ha’u bele halo. Dalaruma importante tebes tanba Laklubar dalabarak kuran informasaun ba bolsa de estudo. Semoga bele bermanfaat ba sira. Biar ha’u iha-ne’e ha’u sempre hamutuk ho maluk Laklubar sira hotu.

 

Segundo, ha’u agradese tanba ha’u hetan fiar husi Irmão São João de Deus lori tau matan ba alin sira-ne’e iha Díli. Fulan ida ha’u fó-ha’u-nia tempu loron ida ba sira. Atu hasoru malu ho sira lori buka hatene sira-nia situasaun, sira kondisaun estudu, familiar, saúde no seluk-seluk tan atu ha’u buka dalan lori rezolve. Ou sira hetan problema ruma sira bele kontaktu ha’u iha kualker loron ida, ha’u sempre prontu atende sira. Ha’u sempre buka atu tau matan ba sira.

 

Maibé buat ne’ebé ha’u halo ki’ikoan liu husi buat ne’ebé maka Irmão São João de Deus sira halo hamutuk ho joven hospitaleira ida ba joven sira-ne’e. Tanba se Irmão São João de Deus maka la ba hela iha Laklubar karik ha’u hanoin no ha’u iha serteza boot tebes katak projetu hanesan ne’e sei la akontese, sei la iha.

 

Ha’u esepera katak apoiu hanesan ne’e kontinua iha nafatin atu joven Laklubar kontinua hetan formasaun iha ensino superior. Iha dalan balu hanesan Irmão São João halo ne’e buka apoiu husi IPAD ho benfeitor rai liur sira. Ideia ida fali maka tanbasá maka Laklubar oan sira-ne’ebé iha serbisu di’ak no iha osan la halo mos kontribuisaun ba projeitu Irmão São João de Deus nian ne’e. Ne’e hanesan kestaun ida-ne’ebé ha’u hakarak provoko lori hafanun ita-nia hanoin. Tanba ha’u haree Laklubar oan balu iha possibilidade atu bele fó-kontribuisaun ne’e. Se ita hanoin de’it ba ita-nia an ou ita hakarak dezenvolve ita-nia rain. Ne’e maka kestaun ida.  Importante ita soe tok ideia ne’e ba oin depois maka ita lori haree se ideia ne’e hetan feedback di’ak husi maluk sira ou lae. Se hetan ita lao ba oin. Se lae ita buka dalan seluk. Importante halo buat ruma di’ak netik ba ita-nia komunidade. Ajuda komunidade importante tebes no ita bele halo iha area oioin tuir idak-idak ninia bele no ninia posibilidade. 


mais sobre mim
pesquisar neste blog
 
July 2013
Sun
Mon
Tue
Wed
Thu
Fri
Sat

1
2
3
4
5
6

7
8
9
10
13

14
15
16
17
18
19
20

21
22
23
24
25
26
27

28
29
30


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
blogs SAPO