comentar
publicado por Hercus Santos at 05:35 pm
Iha kuriozidade kona-ba Lian Laklubar nian, idate? Mai haree ba. Iha-ne'e ha'u fó-sai de'it kona-ba asuntu rua maka sujeitu no adjetivu.
  • Sujeitu

 

Sujeitu katak buat moris ka buat ida ne’ebé halo deklarasaun. Hanesan iha lia-portugés, ita koñese pelumenus iha sujeitu rua, maka sujeitu espresa katak sujeitu ne’ebé hakerek ka temi duni iha ita nia orasaun. No sujeitu subar katak sujeitu ne’ebé la hakerek ka la temi iha ita-nia orasaun maibé liu hosi forma verbál, ita bele hatene sujeitu.

 

Ezemplu

 

Idate Portugés Signifikadu iha tetun

 

Verbu Bua Dormir Toba

 

Au ubua he kama. Eu durmo na cama. Ha’u toba iha kama.

Ita mós bele temi

Idate Portugés Signifikadu iha tetun

Ubua he kama. Durmo na cama. ha’u toba iha kama.

 

Bainhira ita temi < ubua>, ema hatene ona katak pesoa dahuluk singulár maka halo deklarasaun. Ho nune’e <ubua> sujeitu subar. Hanesan iha lia-potugés, ita hatene ne’e pesoa dahuluk singulár maka halo deklarasun liu hosi dezinénsia pesoál “ o”<durmo > maibé iha dialetu idate, ita hatene liu hosi prefiksasaun < u > ne’ebé hatama ba forma verbál < bua > lori sai <ubua> katak liuhosi sistema prefiksasaun verbál. Nune’e mós ba sujeitu sira hanesan Maria, Francisco, Ó, Ni, Sira. (exesaun ba sujeitu balu ne’ebé ita sei haree di’ak liu tan iha parte verbu nian).

 

Iha konjugasaun verbál balu iha lia-portugés hanesan ho prefiksasaun verbál dialetu idate nian katak ita bele uza kedas ona verbu ne’ebé hetan ona konjugasaun ka prefiksasaun konforme sujeitu ne’ebé maka iha. No ita bele hatene sujeitu liuhosi prefiksasaun verbál. Ne’e diferente fali iha lian tetun. Iha lia-tetun ita bele la uza sujeitu lori temi kedas verbu maibé ita sei hetan konfuzaun lori komprende sujeitu ne’e sé. Ne’eduni normalmente lia-tetun presiza iha klarifikasaun uluk kona ba sujeitu. Porezemplu iha fraze ida hanesan ne’e: <Hametin Timor nia independénsia. >. Iha fraze ne’e ita konfunde se mak hametin, katak sujeitu maka se, ha’u maka hametin, ó maka hametin, ita maka hametin, sira maka hametin, se maka hametin Timór nia independénsia ? Ita la iha elementu ida lori hatudu hametin ida-ne’e se maka halo. Iha fraze ne’e ita bele tradús ba lia-portugés: Fortalecer a independência do Timor. Iha portugés, ita bele konsidera fraze ne’e ninia sujeitu inezistente. Katak la iha sujeitu.

 

Diferente kuandu iha fraze ida iha lia-portugés < quero um Timor independente>. Fraze iha lia-portugés ne’e ita bele hatene sujeitu maka <eu> liu dezinensia verbál <o>. No iha dialetu idate ita bele dehan de’it hanesan ne’e <ukasek Timor independente> Maibé, iha dialetu idate, mezmu verbu sira hetan prefiksu tuir sujeitu ne’ebé maka iha, ita sei konfunde se ita la temi sujeitu <imi, ita> iha verbu ne’ebé letra uluk vogál ka konsoante, no<ó> iha verbu sira ho letra uluk konsoante ida. Tanba hanesan hotu de’it. Nune’e ba kazu hanesan ne’e ita presiza hatene didi’ak fraze hotu-hotu ne’ebé iha lori identifika sujeitu.

 

 

 

E. ADJETIVU

 

Tuir dicionario académico, porto editora, hateten katak adjetivu maka liafuan ne’ebé akompaña substantivu,ou kualifika substantivu. Iha lian portugés, adjetivu varia tuir númeru i jéneru substantivu nian. Maibé diferente iha lian balu hanesan mós iha dialetu idate laiha variasaun hanesan iha lian portugés. Tuirmai adjetivu iha dialetu idate (ne’ebé subliñadu) iha orasaun.

n.e. Kadernu butin enene, auk.

Kadernu mutin ne’ebá ha’u nian.

 

Haru morik atais odi tii misa.

Faru foun hatais lori bá misa.

 

O’ar kamudak bisai sala.

Kalan nakukun labele sai.

 

 

 

(Nota: Buat ne'ebé ha'u publika iha-ne'e ha'u la muda ninia numerasaun tuir obra ne'ebé maka ha'u hakerek kona-ba Lian Idate no hetan koresaun husi Professor Doutor Geofrey Hull. Obra ne'e iha dokumentasaun iha Instituto Nacional de Linguística da UNTL. Iha protesaun tuir lei direito do autor).


mais sobre mim
pesquisar neste blog
 
October 2013
Sun
Mon
Tue
Wed
Thu
Fri
Sat

1
2
3
4
5

6
7
8
9
10
11
12

13
14
15
16
18
19

20
21
22
23
24
25
26

27
28
29
30
31


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
blogs SAPO