comentar
publicado por Hercus Santos at 06:16 pm

(Foto do Hercus Santos)

 

 

 

Kuaze kultura hotu-hotu no ema hotu-hotu  iha mundu tomak iha fiar katak eziste uluk iha mundu ida-ne’e maka tasi no lalehan. Hafoin maka tasi haketak an no hamosu rai maran. Iha rai maran iha rai tetuk no foho. Iha rai tetuk ema buka lori halo to’os no iha foho sira ema buka lori hela no salva an husi buat sira-ne’ebé maka bele sai poténsia hamosu perigu ba moris. Iha foho maka sai hanesan fatin lori halo lulik ba beiala sira tempu uluk nian.

 

Iha fiar Timor nian katak hafoin lafaek tula labarik la'o pasiar iha tasi laran no ikus mai lafaek ne’e mate tanba hamlaha iha tasi klaran no derrepente lafaek ne’e ninia isin nakfilak sai rai maran ba labarik ne’e atu hela. Imajina lafaek mate iha tasi klaran no karik nia isin la transforma sai rai maran, labarik ne’e sei mate tanba mout ou animál fuik seluk sei oho nia. Tasi klaran ne’ebé maka luan tebes derrepente lafaek nia isin sai rai maran!

 

Iha bíblia, Moises lori povu sai husi terus nia laran ba rai ida-ne’ebé maka Maromak promete ba nia. Katak rai liberdade no hakmatek nian. Rai ba moris di’ak nian. Iha-ne’e ita haree sinál importante ida maka tasi. Moises atu lori povu husi terus ba moris di'ak la’o liuhusi tasi. Tasi hanesan haketak moris tuan husi moris foun. Moris terus no atan ba moris di’ak no moris iha liberdade nia laran.

 

Tasi ho lalehan hanesan belun rua ne’ebé maka sempre iha ligasaun ba malu maibé idak-idak ketak-ketak, haree hanesan besik malu tebes, hanesan ida iha ida seluk nia sorin. Maibé loloos ne’e sira na'in rua dook malu tebes. Karik fotografia ida-ne’e hatudu buat ruma ba imi?


mais sobre mim
pesquisar neste blog
 
November 2010
Sun
Mon
Tue
Wed
Thu
Fri
Sat

1
2
3
4
5
6

7
8
9
10
11
12
13

14
15
16
17
19
20

21
22
25
26

28
29
30


comentários recentes
Olá, fico muito feliz por fazer parte daqueles que...
Dr. Hercus,karik bele buka ha'u iha facebook Barba...
Sim Dra. Barbara Oliveira. Ha'u iha interese no in...
Boa noite Maun Hercus,Espera hotu di'ak. Artigu ka...
Muito bem, excelente artigo, muito bem escrito, ta...
Posts mais comentados
blogs SAPO